Kukësi e mbyll me një fitore të pastër 2-0 miqësoren kundër skuadrës modeste nga Struga, Labonishti. Në Ohër ku kamionët e Shqipërisë po zhvillojnë fazën përgatitore, u luajt një 90 minutësh me karakter stërvitor ku trajneri Mladen Milinkovic kishte mundësinë të testonte disa nga elementët e rinj të suadrës së tij.
Gjatë fraksionit të parë, Kukësi zbriti në fushë me një formacion mik por golin e gjeti vetëm në inutat e fundit ku Naser transformoi në gol penalltinë e fituar nga verilindorët. Pjesa e dytë rezultoi disi më e vështirë për Kukësin pasi trajneri serb hodhi në fushë një pjesë të madhe të stolit që kishte në dispozicion. Ishte Koldashi që tre minuta nga fundi realizoi edhe golin e dytë për ta mbyllur këtë sfidë me një fitore të pastër. Pak ditë më vonë në datën 23 Gusht, Kukësi do të zhvillojë miqësoren e dytë atë ndaj Teutës po në Ohër ku ndodhen gjithashtu edhe durrsakët.