Sulmuesi i Tottenham dhe i kombëtares angleze, Harry Kane po kalon një formë të shkëlqyer, duke u bërë protagonist thuajse në çdo takim, me golat dhe lojën e tij. Ai ka zgjuar vëmendjen e shumë klubeve europiane, ndërsa ditët e fundit ishte Reali i Madridit, që bëri hapa konkretë për të. Madrilenët, pasi dështuan të afrojnë Mbappe, shikojnë pikërisht te anglezi, qendërsulmuesin e duhur.
Por, ditët e fundit, edhe Jose Mourinho ka piketuar Kane, si përforcim i mundshëm për sezonin e ardhshëm. Drejtuesit e Manchester United janë gati të ofrojnë plot 200 milionë euro, për të bërë ‘djall’, 24 vjeçarin, i cili mund të luajë fare mirë edhe si sulmues i dytë, pas belgut Lukaku. Merkatoja verore do ende shumë muaj për të ardhur, por që tani po jepen sinjalet se do të jetë plot surpriza.
