Federata Shqiptare e Futbollit ka filluar këtë të premte, në orën 10:30, në stadiumin “Elbasan Arena”, edicionin e dytë të projektit “Topi Yt”. Fjalën e hapjes në këtë ceremoni entuziaste, e ka mbajtur anëtari i Komitetit Ekzekutiv të FSHF-së, Bardhyl Jera, i cili vlerësoi këtë projekt në të mirë të futbollit kombëtar, ku do të furnizohen të gjitha ekipet e Shqipërisë me topa falas, sikurse u veprua edhe edicionin e parë, 2017-2018.
Ky aktivitet i bukur dhe plot emocione pati në mesin e saj dhe legjendën e futbollit shqiptar, Sulejman Demollarin. Fëmijët u gëzuan edhe më shumë nga performanca e xhonglerit të famshëm, jo vetëm në vendin tonë, Fabian Duro.
