Sam Allardyce do të jetë pasuesi i Ronald Koeman në krye të Evertonit. 1 muaj pas shkarkimit të holandezit, skuadra nga Liverpooli ka vendosur t’i besojë ish-trajnerit të Anglisë, i cili ka zhvilluar këtë të mërkurë seancën e parë stërvitore me skuadrën e re. Allardyce rikthehet në Premier League 6 muaj pasi u largua nga Cristal Palace.
63-vjeçari do të qëndrojë në tribunë në takimin e mbrëmjes me West Hamin në “Googdison Park”, pasi në stol edhe për këtë ndeshje do të jetë trajneri i dytë, David Unsworth. Evertoni renditet në vendin e 17-të në Premier League, me vetë 12 pikë.