Connect with us

Hi, what are you looking for?

Sport

Kryeson Ronaldo, cilët janë 10 sportistët më të kërkuar në “Google”

Sportistët janë ndër personazhet me më së shumti influencë në rrjetet sociale për shkak të ndjekësve të shumtë duke qenë se gjithnjë janë në qendër të vëmendjes si pasojë e profesionit të tyre. Së fundmi, tabloidi britanik The Mirror, ka publikuar një artikull ku zbulon 10 sportistët më të kërkuar në Google përgjatë një muaji të plotë. Ai që udhëheq këtë klasifikim është Cristiano Ronaldo i cili gjithnjë tërheq vëmendje maksimale, ndërsa në këtë renditje bëjnë pjesë edhe yje të Formula 1, basketbollit apo futbollit amerikan. Ndërkaq, Lionel Messi përfundon jashtë podiumit duke mbajtur vetëm vendin e pestë.

Sa i takon renditjes së plotë, ajo nis me Connor McGregor, yllin e UFC që mban vendin e dhjetë teksa emri i tij kërkohet në 3.1 milionë raste përgjatë një muaji. Për të vazhduar në vend të nëntë me Aaron Rodgers, protagonistin e futbollit amerikan, emri i të cilit kërkohet 3.7 në 3.7 milionë raste përgjatë një muaji. Në vendin e tetë, renditet kampioni aktual i Formula 1, Max Verstappen me emrin e holandezit që kërkohet në 3.8 milionë të rasteve përgjatë një muaji.

Pas Verstappen, vjen sërish një personazh i Formula 1. Fjala është për shtatë herë kampionin e Botës, Lewis Hamilton me britanikun që kërkohet në 3.9 milionë të rasteve përgjatë një muaji. Në vend të gjashtë, renditet sërish një lojtar i futbollit amerikan si Tom Brady, emri i të cilit kërkohet në 4.3 milionë të rasteve. Vetëm vendi i pestë për Lionel Messi, që kërkohet në 4.5 milionë të rasteve përgjatë një muaji, ndërsa në vend të katërt renditet ylli i NBA, Lebron James, që kërkohet në 5.3 milionë të rasteve.

Ndërkohë, në shkallën më të ulët të podiumit gjendet Neymar, me lojtarin e PSG që kërkohet në 5.8 milionë të rasteve përgjatë një muaji, ndërsa pas yllit brazilian vjen një tjetër protagonist i futbollit amerikan. Fjala është për Ryan Ramczyk që kërkohet në 6.1 milionë të rasteve përgjatë një muaji. Sakaq, i pari dhe me një diferencë të madhe është Cristiano Ronaldo. Emri i sulmuesit të Manchester United kërkohet në 11 milionë raste përgjatë një muaji.

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...