Sot 10 vite më parë Interi rikthehej të fitonte Ligën e Kampionëve pas një pritjeje prej 45 vitesh, teksa mbrëmjen e 22 majit të 2010-ës mposhti Bayernin e Mynihut 2-0 në finalen e “Santiago Bernabeut”, duke marrë trofeun e tretë sezonal, në po kaq të mundshme.
Të drejtuar nga Jose Mourinho, zikaltrit bënë një sezon thuajse të përkryer, ku vuajtën vetëm në fazën e grupeve, por më pas me një lojë racionale dhe efikase, ia dolën të shkojnë deri në finale e madje të ngrenë lart “kupën me veshë të mëdhenj”.
Kur kanë kaluar plot 10 vite nga ajo kohë, një pjesë e mirë e futbollistëve protagonistë të suksesit kanë “varur këpucët në gozhdë” tashmë dhe këtu bëjnë pjesë emra si Wesley Sneijder, Julio Cesar, Javier Zanetti, Walter Samuel, Lucio, Stankoviç, Thiago Motta, Diego Milito, Samuel Eto’o, etj.
Pjesë e skuadrës që fitoi Tripletën, kanë qenë edhe emra si Goran Pandez, që vijon akoma të luajë futboll dhe këtë sezon ka gjetur 7 herë rrugën e rrjetës me Genoan, por edhe Mario Balotelli, që atëherë shihej si një yll që do ndriçonte botën, por që pas 10 vitesh është bërë më shumë protagonist për bëmat jashtë fushe sesa në fushën e lojës.
Teknikisht aktiv është edhe Douglas Maicon, një nga protagonistët absolutë të atij suksesi, që ndonëse pa skuadër, nuk ka njoftuar akoma tërheqjen nga futbolli, ndërsa pa skuadër janë edhe Sulley Muntari e McDonald Mariga, të dy në dispozicion të Mourinhos mbrëmjen e Madridit.
Po çfarë bëjnë sot të gjithë heronjtë e Interit të Tripletës:
-
- Julio Cesar – Studion për t’u bërë agjent futbollistësh
-
- Francesco Toldo – Pronar biznesi dhe ambasador i Interi
-
- Paolo Orlandoni – Trajner i portierëve te të rinjtë e Interit
-
- Vid Belec – Portier i Apoel Nicosia
-
- Lucio – Sapo ka lënë futbollin
-
- Walter Samuel – Pjesë e stafit teknik të Argjentinës
-
- Christian Chivu – Trajner i Interit U17
-
- Ivan Cordoba – Agjent futbollistësh, mes të cilëve i Duvan Zapatës
-
- Marco Materrazzi – Trajner, aktualisht i papunë
-
- Davide Santon – Mbrojtës i Romës
-
- Lorenco Crisetig – Mbrojtës i Mirandes në Ligën e dytë spanjolle
-
- Javier Zanetti – Zv. President i Interit
-
- Esteban Cambiaso – opinionist televiziv
-
- Dejan Stankovic – Trajner i Crvena Zvezdës
-
- Thiago Motta – Trajner, aktualisht i papunë
-
- McDonald Mariga – Mesfushor, aktualisht pa skuadër
-
- Patrick Vieira – Trajner i Nice
-
- Sulley Muntari – Mesfushor, aktualisht pa skuadër
-
- Ricardo Quaresma – Sulmues, pjesë e Kasimpasa në Turqi
-
- Amantino Mancini – Trajner, momentalisht i papunë
-
- Wesley Sneijder – I sapo tërhequr nga futbollit
-
- Diego Milito – Drejtor Sportiv te Racing
-
- Samuel Eto’o – Pjesë e CAF
-
- Goran Pandev – Sulmues i Genoas
-
- Mario Balitelli – Sulmuesi i Brescias
-
- David Suazo – Trajner
-
- Jose Mourinho – Trajner i Tottenham
