Ligue 1

100 pikët mbeten thjeshtë një ëndërr, PSG ngec sërish

Barazimi i dytë radhazi për Paris Saint Germain në Ligue 1, me kampionët e saposhpallur të Francës që humbasin përfundimisht mundësinë për ta mbyllur në kuotën e 100 pikëve kampionatin. Ashtu si një javë më parë ndaj Guingamp, skuadra e Unai Emery barazoi 2-2 në transfertën ndaj Amiens sfidë që hapi javën e 36-të të ligës së parë franceze, duke humbur shansin për të vendosur një rekord absolut që do të ishte një koutë me 3 shifra pas 38 javësh. Parisi mund ti arrinte 100 pikët vetëm nëse fitonte tre sfidat e fundit të kampionatit por gaboi që në ndalesën e parë. Kryeqytetasit nuk arritën të ruanin në dy raste epërsinë ndaj Amiens që i kishte siguruar edhe matematikisht mbijetesën. Edinson Cavani shfrytëzoi asistin e Javier Pastores duke zhbllokuar shifrat në minutën e 26-të, por kundërpërgjigjja e vendasve erdhi në fillimin e pjesës së dytë me golin e Konate.  Talenti Nkunku në të 64-ën kaloi sërish në avantazh PSG-në, por vendasit nuk u dorëzuan dhe në të 80-ën Konate realizoi golin e dytë personal duke i dhënë një pikë me vlera Amiens përballë skuadrës kampione të Francës në këtë sezon.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency