Me ndeshjen e Kupës së Shqipërisë ndaj Kukësit, ku Teuta festoi kualifikimin për në gjysmëfinale pavarësisht disfatës 2-1 me Kukësin, presidentit të durrsakëve, Edmond Hasanbelliut iu mbushën plot 1000 ndeshje në krye të klubit.
Hasanbelliu e ka marrë drejtimin e klubit të Teutës në janarin e vitit 1999 teksa vlen të theksohet se bilanci është pozitiv me 425 fitore, 248 barazime dhe 327 humbje. Në këto vite në krye të presidencës durrsake, Hasanbelliu ka festuar edhe gjashtë Kupa, ku sigurisht spikat trofeu i Kategorisë Superiore në sezonin 2020-2021.
LEXO EDHE:
- Kupa e Shqipërisë njeh dy gjysmëfinalistet e para, nuk ka surpriza
- “Vë dorën në zjarr, Barcelona nuk ka paguar arbitrat”, Pique: Ishim superior ndaj kujtdo!
- Shqipëria humbet një lider para Polonisë, një hall më shumë për trajnerin Sylvinho
- Humbi qetësinë ndaj Berardit, pezullim dhe gjobë për Kumbullën
Ndërkohë, që trofetë vijojnë me 3 Kupa të Shqipërisë si dhe dy Superkupa. Nga ana tjetër, në këto vite, Teuta ia ka dalë të kualifikohet në Europë në 12 raste ndërsa gjatë periudhës së drejtimit të Hasanbelliut, klubi ka ndryshuar 23 trajnerë. Janë disa emra prestigjiozë që kanë drejtuar ekipin durrsak ndërsa spikat Hasan Lika i cili e ka drejtuar ekipin në shtatë periudha të ndryshme.
