Shkëndija barazoi pa gola ndaj Borecit të vendit të parafundit, dhe tani ndan vendin e dytë me Akademija Pandev. Shkupi kryesues është 13 pikë larg, duke shuar shpresat e kuqezinjve nga Tetova për të mbrojtur titullin kampion.
Barazimi i ditës së diel ka qëlluar fatal për trajnerin Bruno Akrapovic. 54-vjeçari boshnjak nuk është më trajneri i skuadrës shqiptare që garon në kampionatin e Maqedonisë së Veriut.
Akrapovic mori drejtimin e Shkëndijës 2 gushtin e vitit të kaluar, duke zëvendësuar Ernest Gjokën. Aventura e tij e dytë në stolin e kampionëve në fuqi zgjati vetëm 24 ndeshje.
Në postimin zyrtar klubi nga Tetova thekson se palët ranë dakord për ndërprerjen e bashkëpunimit, teksa uruan trajnerin për kontributin e dhënë.
[quiz-cat id=”297576″]
