Eden Hazard është gati të nisë sezonin e katërt me Realin e Madridit. Belgu nuk ka treguar asgjë nga potenciali i tij deri tani te “Los Blancos”, të cilët paguan 100 milionë euro për ta marrë nga Chelsea në verën e vitit 2019.
Shumë dëmtime dhe aspak fat në aventurën spanjolle për 31-vjeçarin. Plot 14 dëmtime te Reali janë shumë për çdo futbollist. Klubi dhe Ancelotti besojnë akoma se Hazard do të kthehet në formën e ditëve më të mirë.
Optimist dhe gati për revansh është edhe fantazisti belg, i cili ndihet mirë fizikisht, i karikuar në maksimum dhe është gati të zhvillojë një fazë përgatitore sa më efikase për të provuar shanset e tij në sezonin e ardhshëm.
“Nuk ndjej më dhimbje. Sapo përfundova pushimet verore, këtë vit dua të bëj diferencën. Jam shumë i lumtur për sezonin e fundit të Realit, por do kisha dashur të jepja edhe unë kontributin tim”, deklaroi shkurtimisht Hazard për Marca.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
