Merkatoja e verës po hyn në ditët e fundit kështu që koha në dispozicion për klubet e futbollit që të arrijnë objektivat e tyre është e limituar. Në këtë dritare të tregut të futbollistëve kanë bërë bujë transferimet në Arabinë Saudite, por duket se klubet e sheikëve ende nuk e kanë thënë fjalën e fundit.
Siç konfirmohet nga “CBS Sports”, Al-Ittihad ka hedhur themelet për të siguruar shërbimet e egjiptianit Mohamed Salah. Edhe pse nga Liverpooli reagimet kanë qenë të prera, drejtuesit e Al Ittihad vazhdojnë të këmbëngulim për “Faraonin”.
Lexoni edhe:
- Gega përmbyll me sukses Botërorin e Atletikës, në finale regjistroi kohën më të mirë të sezonit
- “Fitorja më e bukur e karrierës”, Klopp: Përmbysja ndaj Newcastle më e mirë se ajo ndaj Barcelonës
- Balliu sfidon Atleticon: Kam duel direkt me Carrasco, me kombëtaren synoj Europianin
- Alarm në Madrid, dëmtimi i Vinicius më i rëndë nga sa parashikohej
“Mo Salah është lojtar i Liverpoolit dhe ai është thelbësor për gjithçka që bëjmë. Nëse do të kishte diçka, përgjigjja do të ishte jo. Filozofia ime e jetës është që unë mendoj për një problem kur e kam atë dhe nuk ka absolutisht asgjë në këtë moment”, deklaroi trajneri gjerman, Jurgen Klopp për situatën e egjiptianit.
Mirëpo nëse sulmuesi këmbëngul për t’u larguar, do ishte e kotë për drejtuesit e “The Reds” që të mbanin me pahir një lojtar i cili nuk gjen më motiv për të dhënë maksimumin.
