Eshtë vetëm 16 vjeç, por te Rennes është një titullar i padiskutueshëm. Në Francë dhe jo vetëm flitet shumë për Eduardo Camavingan, talentin nga Angola që po shkëlqen me ekipin e tij dhe la gjurmë me një asist në fitoren impresionuese ndaj Paris Saint Germain.
Mesfushori 16-vjeçar i dalë nga akademia ka djegur etapat dhe po luan rregullisht, ndërsa klubet e mëdha angleze tashmë janë vënë në radhë për të siguruar kartonin e tij.
Camavinga ka kontratë deri në vitin 2020 me Rennes, por Manchester City, Arsenali dhe Tottenhami kanë dërguar emisarë për të negociuar blerjen e tij për sezonin e ardhshëm.