Sheriff Tiraspol nuk ka rivalë në Moldavi. Skuadra ku u transferua Regi Lushkja në merkaton e janarit, fitoi titullin kampion dy javë përpara fundit pas triumfit 0-3 në transfertë ndaj Dinamo-Auto.
Ky ishte titulli i 20-të në histori për klubin që u krijua vetëm në vitin 1997, dhe i shtati radhazi për ekipin që u kualifikua këtë sezon për herë të parë në grupet e Champions League.
Fitorja ndaj Real Madrid në “Santiago Bernabeu” nuk harrohet, teksa rrugëtimi europian i Sheriffit u ndal nga portugezët e Bragës në raundin e 1/16-ve në Europa League.
Feston titullin e parë në karrierë edhe ish-kapiteni i Laçit, i cili ka shënuar një gol në kampionatin moldav në pesë përballjet që ka luajtur me Sheriffin.