20 vjet pas Kupës së Botës së vitit 2002 të zhvilluar në Korenë e Jugut dhe Japoni, event të cilin e fitoi Brazili me Ronaldon si protagonist absolut, “Fenomeni” i çudit të gjithë duke kërkuar falje për një detaj jo të parëndësishëm: modelin e tij të flokëve. Ajo prerje e veçantë e dy dekadave më parë, ndikoi te fansat e rinj të kohës, duke shkaktuar trondite në miliona familje.
Ronaldo, i intervistuar në emisionin “Good Morning Britain”, kujton duke qeshur: “Nëna ime dhe miliona nëna në mbarë botën, të gjitha më urrejnë për këtë prerje flokësh! Edhe sot takoj njerëz që kishin një djalë që donte të njëjtën prerje flokësh. Më vjen keq! Me të vërtetë kërkoj falje për këtë!”
Fenomeni, megjithatë, zbuloi edhe arsyen pse ai vendosi të mbante atë model flokësh të çuditshëm gjatë gjithë kampionatit botëror. Sipas shokëve të skuadrës së “Seleçaos”, ajo prerje po i sillte fat Brazilit. Ronaldo shënonte dhe Brazili fitonte, prandaj nuk e ndryshoi më modelin derisa erdhi erdhe triumfi final. Pikërisht në ndeshjen finale kundër Gjermanisë, “Fenomeni” realizoi dygolësh.
