Sulmuesi francez, Karim Benzema, luajti ndeshjen e tij të fundit për “Los Blancos” të dielën në mbrëmje, duke shënuar me 11-metërsh në ndeshjen e barazuar 1-1 me Athletic Bilbaon në “Santiago Bernabeu”.
Ai tashmë e ka zgjedhur “shtëpinë” e tij të re.
Sipas Fabrizio Romanos, Benzema do të nënshkruajë për skuadrën e Arabisë Saudite, Al Ittihad (kampionia e saposhpallur e Ligës Profesionale në Arabinë Sadite), duke konfirmuar zërat që u shfaqën për herë të parë javën e kaluar.
Lexo edhe:
- Mungon ndaj Moldavisë dhe Ishujve Faroe, Sylvinho humbet “luftëtarin” e mesfushës
- Jo vetëm Messi, një tjetër futbollist njofton lamtumirën nga PSG-ja
- Inter-Benfica, duel në merkato për veteranin që e mbylli me Barçën
- Kërkon përforcime për sezonin e ardhshëm, Reali synon sulmuesin e Chelsea-t
Romano sqaron se marrëveshja do të jetë e vlefshme deri në vitin 2025, me opsion edhe për një vit të tretë. Benzema thuhet se do të fitojë 200 milionë euro në dy vitet e para.
Francezi i jep fund një karriere të jashtëzakonshme në nivelin elitar, duke lënë një trashëgimi të madhe në “Santiago Bernabeu”.
Benzema largohet nga Madridisi si golashënuesi i dytë më i mirë në historinë e klubit “merengues”, pas Cristiano Ronaldos.
