Eric Dier është me valixhe në duar. Mesfushori anglez nuk është në planet e Pochettinos dhe fakti që ka zbritur vetëm një herë në fushë këtë sezon e tregon qartë që i duhet të gjejë një sistemim të ri. 25-vjeçari dëshiron të largohet që në janar dhe Aston Villa është gati ta mirëpresë duke i siguruar një vend si titullar ndërsa oferta për kartonin e tij do të jetë 20-25 milion paund. Dier ka dhënë ok për një lëvizje të tillë pasi synon që të luaj rregullisht në mënyrë që të bindë Southgate për ta marrë në kombëtare në Europianin e 2020.
