Luhen këtë të enjte 24 sfidat e raundit të fundit të ndeshjeve në grupe të Europa League-s, rezultatet e së cilave do të plotësojnë kuadrin e plotë të ekipeve të kualifikuara për fazën tjetër. 6 përballje, ndër më të rëndësishmet, do të transmetohen, si zakonisht, nga SuperSport, 3 në orën 18:45 dhe 3 të tjera në orën 21:00, ndërsa në kanalin Supersport 5 do të transetohen golat e të gjitha takimeve.
Në Grupin A tashmë është zgjidhur gjithçka, Sevilla ka siguruar vendin e parë me 13 pikë, ndërsa APEOL-i të dytin me 7 pikë. Përballja mes tyre në fushën e qipriotëve dhe Qaragab-Dudelange do të kenë vetëm vlerë statistikore.
Në Grupin B gjithçka është e komplikuar, pasi asnjë skuadër nuk e ka siguruar kualifikimin. Dinamo e Kievit pret Lunagon, por mund të mos i mjaftojë fitorja për të avancuar më tej, nëse Kopenhageni humbet me Malmo. Nëse sfida mes danezëve dhe suedezëve përfundon në barazim, për efekt në rezultateve të drejtpërdrejta kalon Dinamo e Kievit, sigursht nëse mund me Luganon.
Në Grupin C, Baseli, që është i kualifikuar, pret vendin e fundit, Trabzonsporin, ndërsa e kualifikuara e dytë vendoset në përballjen Getafe-Krasnodar, dy skuadra që kanë nga 9 pikë. Spanjollëve i mjafton edhe barazimi për të avancuar.
Në Grupin D, Lazk Linzi dhe Sportingu janë kualifikuar, ndaj sfida mes tyre dhe PSV-Rosenborg nuk kanë më vlerë.
Në Grupin E, rumunët e Cluj presin Celtic, tashmë i kualifikuar. Vendasve u mjafton edhe barazimi për ta mbrojtur vendin e dytë. Lazio, që viziton Rennes, duhet të fitojë takimin e saj dhe Cluj të mundet në shtëpi për të prerë biletën si vendi i dytë.
Në Grupin F, të gjitha skuadrat janë në lojë. Sigurisht, Arsenali, që kryeson grupin, duhet të shmangë humbjen me një diferencë më të madhe se 4 gola ndaj Standard Liege. Praktikisht, “topçinjtë” janë të kualifikuar, ndërsa Eintrachti i Frankfurtit duhet thjesht të barazojë me Guimaraes për të siguruar kualifikimin.
Në Grupin G, ekuacioni është edhe më i vështirë për t’u zgjidhur, pasi të katër skuadrat janë në lojë për t’u kualifikuar. Porto (e dyta) pret Feyenoordin e vendit të fundit ndërsa Rangers (kryesuesit) sfidohen nga Young Boys. Vetëm skocezët e kanë të sigurt kualifikimin nëse barazojnë.
Në Grupin H, Espanyoli, tashmë i kualifikuar, pret CSKA-në e Moskës që nuk ka shpresa për të avancuar. Në takimin tjetër të këtij grupi, Ludogorets – Ferencvaros, bullgarët luajnë për dy rezultate.
Në Grupin I nuk ka më asnjë dilemë, janë kualifikuar Genti dhe Wolfsburgu, kështu që përballjet respektivisht me St Ettienne dhe me Oleksandriya, kanë vlerë për të përcaktuar fituesin e grupit.
Në Grupin J, Romës, që është e dyta, i mjafton edhe barazimi përballë Wolfsberger, por edhe gjermanët e Wolsfsburgut duhet të shmangin humbjen në shtëpi përballë Basaksehirit, për të mos rrëshqitur në vendin e tretë.
Edhe në Grupin K gjithçka është zgjidhur para raundit të fundit, Braga dhe Wolves e kanë siguruar kualifikimin. Portugezët luajnë në fushën e Slovan Bratislavës, ndërsa anglezët presin Besiktasin.
Dy sfidat e fundit i përkasin Grupit L, ku gjithashtu luhet vetëm për të përcaktuar skuadrën e parë, Manchester United apo Alkmaarin, që përballen në “Old Trafford”, ndërsa takimi tjetër është Partizan Beograd – Astana.
Ndeshjet:
Grupi A
APOEL – Sevilla (18:55)
Qarabag – Dudelange
Grupi B
Dyn. Kyiv – Lugano
FC Copenhagen – Malmo FF
Grupi C
Basel – Trabzonspor
Getafe – Krasnodar
Grupi D
LASK Linz – Sporting
PSV – Rosenborg
Grupi E
CFR Cluj – Celtic
Rennes – Lazio
Grupi F
St. Liege – Arsenal
Eintracht Frankfurt – Guimaraes
Grupi G
Rangers – Young Boys (21:00)
FC Porto – Feyenoord
Grupi H
Espanyol – CSKA Moscow
Ludogorets – Ferencvaros
Grupi I
Wolfsburg – St Etienne
Gent – Oleksandriya
Grupi J
AS Roma – Wolfsberger
Monchengladbach – Basaksehir
Grupi K
Slovan Bratislava – Braga
Wolves – Besiktas
Grupi L
Manchester Utd – AZ Alkmaar
Partizan – FC Astana