Sulmuesi i Brentfordit, Ivan Toney, mund të pezullohet për një periudhë të gjatë kohore, pasi raportohet se u deklarua fajtor për akuza të shumta që lidhen me bastet në futboll.
26-vjeçari po përballet me 262 akuza nga Shoqata e Futbollit (FA) në lidhje me lojërat e fatit në ndeshje, të cilat datojnë në vitin 2017, dhe ai është shpallur fajtor për shumë prej atyre rasteve.
Akuzat u lëshuan në dhjetor dhe thuhet se Toney do të përballet me një seancë dëgjimore në FA ‘menjëherë’, me një pezullim që pritet të vendoset në zbatim para përfundimit të sezonit. Precedenti i vendosur nga rastet që përfshijnë lojtarë si Joey Barton, i cili u dënua për 18 muaj pezullim(reduktuar në 13 muaj) pasi pranoi se kishte vendosur 1260 baste në futboll, do të thotë se Toney ka të ngjarë të presë një pezullim për disa muaj.
Lexo edhe:
- Duro drejt rikthimit në stol, pranë akordit me kryesuesit e kampionatit
- “The Best FIFA Football Aëards”, si votuan kapitenët dhe trajnerët e Shqipërisë dhe Kosovës
- Votoi Messin dhe jo Benzema, tifozët e Realit “kryqëzojnë” mbrojtësin
Është raportuar se Toney, 14 golat e të cilit në Premier League këtë sezon e kanë çuar Brentfordin në vendin e nëntë, do pranojë akuzat dhe është i gatshëm të pranojë vendimin e FA.
Detajet zyrtare të çështjes Toney do të zbulohen pas seancës dëgjimore të FA, pas së cilës lojtari ka të ngjarë të lëshojë një deklaratë dhe shkalla e plotë e çdo pezullimi ose ndalimi do të bëhet publike.
