Merr fund pritja, Armando Broja e ka lënë përfundimisht pas krahëve dëmtimin dhe rikthehet pas 287 ditësh të jetë i gatshëm për Chelsean, pasi ndodhet në stol për përballjen e javës së gjashtë të Premier League ndaj Aston Villa. Sulmuesi kuqezi u dëmtua në miqësoren e dhjetorit të vitit të shkuar, e si për koiçidencë “Blutë e Londrës” luanin po ndaj me Aston Villa, duke munguar për më shumë se 9 muaj, por tani ai është gati për t’u rikthyer në fushën e lojës.
Lexo edhe:
- Partizani-Tirana në “Air Albania”, derbi shtyhet me 23 ditë
- “E duam kapiten”, Lecce ëndërron, Ramadani “mbreti” i mesfushës
- “Dritë në fund të tunelit”, Pochettino jep lajmin e madh për Brojën
- “Gjest i madh, Onana tregoi personalitet”, Ten Hag e merr në mbrojtje
Trajneri Mauricio Pochetino e ka përmendur shumë herë Brojën si një lojtar me shumë cilësi, të cilin e pret me padurim të jetë i gatshëm për ekipin londinez. Një lajm fantastik për tifozët e Chelsea, por dhe të kombëtares së Shqipërisë, që mezi e presin rikthimin e sulmuesit nga Malësia e Madhe.
Mbetet për t’u parë nëse Pochetino do i japë mundësinë për t’u aktivizuar në këtë ndeshje, teksa në muajin tetor lojtari pritet që të jetë dhe nën urdhrat e Sylvinhos për ndeshjen mes Shqipërisë dhe Çekisë, sfidë e vlefshme për kualifikueset e kampionatit europian.
