Mediat turke vazhdojnë të shkruajnë për interesin e disa klubeve të Superligës turke për sulmuesin e Laçit Kyrian Nëabueze. Nigeriani i cili ka shkëlqyer me kurbinasit në këtë sezon, vështirë se do të qëndrojë te skuadra e drejtuar nga Armando Cungu, kjo për vetë faktin se Laçi kërkon të përfitojë sa më shumë nga shitja e Nëabuezes. Për futbollistin 27-vjeçar po shfaqin interes të vazhdueshëm Kasimpasa e Konyaspor që aktualisht luajnë në Superligën turke ndërsa interesohet edhe Hatayaspor që kryeson ligën e dytë turke dhe sezonin e ardhshëm do të luajë në elitë. Laçi synon të përfitojë rreth 300 mijë euro nga shitja e sulmuesit të saj pasi Nëabueze ka edhe një vit kontratë me bardhezinjtë ndërsa në këtë sezon ka shënuar 19 gola në Kategorinë Superiore me Laçin dhe është në garë me Vasil Shkurtajn për Këpucën e Artë.
