Connect with us

Hi, what are you looking for?

Kategoria Superiore

Vllaznia gjen pasuesin e Adilit, mbrojtësi pritet sot në Shkodër

Vllaznia vijon përgatitjet për turin e dytë kualifikues të Conference League, teksa trajneri Mirel Josa është në pritje të përforcimeve të tjera, të cilat i ka premtuar edhe presidenti Alban Xhaferi.

Qendra e mbrojtjes është reparti ku shkodranët kanë humbur dy titullarë të sezonit të kaluar, si Adili dhe Diagne, dhe kanë marrë vetëm Dajan Shehin, ndaj klubi po punon prej ditësh për të sjellë një tjetër futbollist.

Së fundi mësohet se është arritur marrëveshja paraprake me mbrojtësin kroat Marko Juriç, i cili pritet të mbërrijë sot në Shkodër për të firmosur kontratën dhe nisur përgatitjet nën urdhrat e Josës.

Juriç është 27 vjeç, numëron eksperienca të shumta kryesisht në futbollin kroat, ku ka veshur edhe fanellën e Lokomotivës së Zagrebit, ndërsa prej dy sezonesh është pjesë e boshnjakëve të Siroki Brijeg.

Mbrojtësi kroat është përballur dy herë me Vllazninë si kundërshtar sezonin e kaluar, kur kuqeblutë eliminuan Shirokin në turin e parë eliminator të Conference League.

Ndërkohë, është caktuar edhe orari i ndeshjes së parë të Vllaznisë ndaj Universitateas, që do të startojë pikërisht më 21:00 të datës 21 korrik, pikërisht në stadiumin “Loro Boriçi”.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...