Një nga lojtarët për të cilët Chelsea këmbënguli deri në orët e fubdit të merkatos për ta transferuar në Stamford Bridge, ishte Anthony Gordon i Evertonit. Megjithatë, klubi nga Liverpool i rezistoi ofertës prej 45 milionë paund nga “Blutë e Londrës”, ndërsa kërkonte të pakten 60 milionë paund. Lidhur me këtë shumë të lartë që pengoi transferimin e tij te Chelsea, ka folur edhe vetë Gordon. Ky i fundit e pranon se në futbollin e sotëm, shifrat e merkatos nuk pasqyrojnë realitetin.
“Personalisht, mendoj se asnjë lojtar nuk vlen 60 milionë paund. Megjithatë, ky është futbolli dhe tregu i ditëve të sotme, ndaj unë nuk dua t’i ul vlerat vetes sime. Kur transferon një futbollist, nuk blen vetëm vlerën e tij aktuale, por edhe potencialin e tij në të ardhmen. Wshtë një rrisk që tashmë klubet e marrin përsipër.
Gjithsesi, unë nuk e kisha mendjen te transferimi pasi nuk ishte diçka që mund ta kontrolloja. Unë duhet të qëndroj i përulur dhe të mendoj për të tashmen dhe mos të shikoj shumë larg në të ardhmen. Por, në momentin kur bën mirë, zërat e merkatos do të jenë gjithnjë të pranishme. Unë ndjehem mirë te Everton dhe nuk më vjen aspak keq që vijoj të luaj në këtë skuadër”, u shpreh 21-vjeçari.
