Erik Ten Hag po kërkon një mbrojtës me kualitet për qendrën e prapavijës dhe drejtuesit e Manchester United kanë hedhur sytë nga Serie A.
I preferuari i “Djajve të Kuq” është Fikayo Tomori, lideri i mbrojtjes së Milanit. 24-vjeçari është pjesë e kuqezinjve prej janarit të vitit 2020.
Tomori fitoi titullin kampion me ekipin e Stefano Piolit sezonin e kaluar, duke dhënë një kontribut të madh në suksesin e skuadrës italiane.
70 milionë euro është gati të ofrojë United për ish-lojtarin e Chelsea, por ky i fundit nuk ka ndërmend të rikthehet në ishull.
Tomori ndihet i lumtur te Milani, që nuk dëshiron të privohet nga shërbimet e tij. Drejtuesit e kampionëve të Italisë po punojnë për t’i rinovuar kontratën.
Aktualja i përfundon në vitin 2025, ndërkohë që dyshja Maldini-Massara po tenton të rinovojë me dy vite të tjera (2027), teksa qendërmbrojtësin e pret edhe një rritje e konsiderueshme page.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
