Connect with us

Hi, what are you looking for?

Futboll

Start fantastik për Shkëndijën e Tetovës

Ky fillim sezoni mund të konsiderohet me të vertetë fantastik për Shkëndijën e Tetovës. Pasi kaloi tre ture në Europë dhe tashmë bëhet gati të sfidojë gjigandët italianë të Milanit në një përballje historike në play-offin e Europa League, skuadra tetovare i bëri një nisje të shkëlqyer edhe kampionatit  në Maqedoni pasi mposhti në supersfidën e javës së parë me rezultatin 2-0 rivalët e përjetshëm të Vardarit të Shkupit me të cilët kuqezinjtë tetovarë do të rivalizojnë për titullin edhe në këtë sezon. Në Tetovë, Shkëndija ishte thjeshtë e papërmbajtshme duke dominuar nga fillimi në fund dhe duke mos i dhënë asnjë shans Vardarit për të bërë dicka.Loja u ndal që në fillim për pak minuta për shkak të shiritave të hedhur në fushë nga tifozët e Shkëndijës, Ballistët në momentin e shpalosjes së një koreografie të mrekulleshme që kishin realizuar. Shkëndija e nisi vrullshëm sfidën, por në minutën e 6-të, portieri i miqëve Dacevski ndali tentativën e Stenio Junior ndërsa Ibraimi pak sekonda më vonë me një goditje standarte nga distanca nuk gjeti kuadratin.

Në të 8-tën kapiteni Ferhan Hasani pasi përfitoi nga pasiguria e një mbrojtësi kundërshtar edhe pse i vetëm përballë portierit nuk arriti të kalonte Dacevskin. Në të 17-tën portieri i Vardarit ishte sërish deciziv duke ndalur goditjen fluturimthi të Marjan Radeskit. Në të 23-tën Zahov bëri mrekullinë në rastin e parë të rrezikshëm të miqëve nga Shkupi. Në të 24-tën gjyqtari irritoi futbollistët e Shkëndijës por edhe tifozët kur ndëshkoi me karton të verdhë për simulim Besart Ibraimin, edhe pse pamjet e përsëritura tregonin se kishte një kontakt mes sulmuesit tetovar dhe një mbrojtësi kundërshtar dhe duhej akorduar 11 metërsh për skuadrën e Qatip Osmanit.

4 minuta më vonë Radeski nuk gjeti kuadratin nga një pozicion i prirët edhe pse ishte i vetëm përballë portierit. Pavarsisht dominimit total të kuqezinjëve, pjesa e parë përfundoi në barazim pa gola, ndërsa e dyta nisi sërish me Shkëndijën në sulm. Në të 50-tën, Ibraimi nuk devijoi dot drejt rrjetës një asist perfekt të brazilianit Junior. Në të 55-tën Armend Alimi nuk gjeti dot portën nga një pozicion shumë i volitshëm ndërsa në të 57-tën Spirovski me devijimin vendimtar mbi vijën fatale i tha jo golit të mesfushorit. Por në të 61-tën askush nuk mund ti hiqte kënaqësinë e të festuarit Armend Alimit i cili shpiku një gol spektakolar për të ngritur peshë tifozët e shumtë që ishin në stadium.

Në të 66-tën, Shkëndija vulosi fitoren me golin e 2-0 që u realizua nga Stenio pas një pasimi fantastik që mori nga Hasani. Në minutat e mbetura Shkëndija adimistroi shumë mirë avantazhin dhe në fund festa ishte e gjitha për kuqezinjtë tetovarë që krijuan një diferencë prej 3 pikësh që në javën e parë ndaj rivalëve të Vardarit.

Lajme të tjera

Serie A

Aventura e Walter Mazzarrit te Napoli mundtë quhet e përfunduar. Barazimi mes vuajtjesh ndaj Genoas në fundjavë ka bërë që De Laurentiis të humbë...

Kategoria Superiore

Kukësi ndryshoi për të katërtën herë trajnerin, kur deri më tani janë zhvilluar vetëm 24 javë.Verilindorët e nisën sezonin me Rraman Hallaçin, e vijuan...

Champions League

Hakan Calhanoglu ka dhënë një intervistë interesante, gjatë së cilës “harron” për disa momente modestinë. Gjithsesi, 30-vjeçari meriton çdo lëvdatë, pasi është ai truri...

Bundesliga

Granit Xhaka gjen golin me fanellën e Bayer Leverkusen. Në ndeshjen e kampionatit gjerman, mesfushori me origjinë shqiptare realizoi një gol maft të bukur...