Kyle Walker, Bejmanin Mendy dhe Danilo nuk mjaftojnë me Pep Guardiolën që tashmë është në kërkim edhe të një qëndërmbrojtësi për të kompeltuar prapavijën e Manchester City-it. Objektivi kryesor i trajnerit spanjoll është ish mbrojtësi i United Johnny Evans për të cilën Citieziens kanë bërë një ofertë prej 18 milionë Paund e cila është refuzuar menjëherë nga West Bromwich Albion, që e vlerëson kartonin irlandezo-veriorit minimalisht 25 milionë Paund.
Diego Costa përjashton cdo mundësi për tu riintegruar te Chelsea, pasi objektivi i tij i vetëm është të transferohet te Atletico e Madridit. Sulmuesi i kombëtares spanjolle po i shtyn drejtuesit e Bluve të Londrës ta lejojnë të rikthehet te Los Colchoneros. Por që kjo të ndodhë duhet që oferta e Atleticos t’i afrohet disi shumës që kërkon Chelsea, për shërbimet lojtarit.
Ka ardhur edhe zyrtarizimi me Gylfi Sigurddson që është prezantuar më në fund si blerja më e re e Evertonit. 45 milionë Paund ishte shuma që paguan drejtuesit e klubit nga Goodison Park te Swansea për të bërë të mundur kalimin e mesfushorit islandez te Evertoni, një shifër rekord kjo me Sigurddson që u bë edhe blerja më e shtrenjtë në histori për Evertonin. Në fjalët e para si futbollisti më i ri i klubit nga Liverpooli, lojtari theksoi se është i lumtur dhe do të bëjë maksimumin për të shënuar sa më shumë gola dhe për të dhënë sa më shumë asiste. 27-vjecari nga kontrata që firmosi me Evertonin do të përfitojë 100 mijë Paund në javë.
Mathiew Debuchy mund të rikthehet në Francë. Mbrojtësi i krahut është nxjerrë në shitje nga Arsenali pasi trajneri Wenger nuk e konsideron më një kandidat potencial për një vend titullari dhe Debuchy është në kërkim të një destiancioni të ri. Ish lojtari i Lille pëlqehet nga Marseja e Rudi Garcias.
