Connect with us

Hi, what are you looking for?

Futboll

Ylli Shameti: Kukësi shtëpia ime, më e vështira ta mbrosh titullin!

E vështirë ta fitosh por edhe më e vështirë ta mbrosh titullin kampion. Kjo është fjalia klishe te skuadrat kampione, e në rastin e Kategorisë Superiore, është Kukësi që duhet t’u tregojë rivalëve se jo rastësisht e mbylli sezonin e kaluar në vend të parë. Shumë ndryshime gjatë merkatos verore te skuadra verilindore, por Ylli Shameti është i bindur që prurjet e reja janë po aq cilësore ata ata që u larguan.

“Kukësi ka ndryshuar shumë krahasuar me skuadrën që mbylli sezonin. Ata qe kanë qenë dhe janë larguar kanë bërë shumë mirë por besoj se edhe ata që kanë ardhur janë po aq të mirë. Mbrojtja e titullit s’do të jetë e lehtë.”

Duke komentuar kthimin e Allës dhe Kolicit, Shameti theksoi rëndësinë që ka ruajtja e shtyllës së ekipit.

Para se të hidhte firmën për rinovimin e kontratës, mbrojtësi gjirokastrit pati një ofertë serioze nga Partizani, por pasi analizoi të gjitha rrethanat vendosi të zgjaste bashkëpunimin me ekipin që fitoi titullin.

“Luaj prej katër vitesh te Kukësi dhe nuk mendoj se kisha arsye të forta për të ndryshuar ambient prandaj vendosa të jap edhe një vit tjetër kontrobut te kjo skuadër.”

Por si e ka gjetur Shameti gjuhën e përbashkët me një karakter ndoshta disi të vështirë si presidenti Gjici kur bëhet fjalë për objektivat e skuadrës?

“Unë kam krijuar gjithmonë marrëdhënie korrekte te të gjitha skuadrat ku kam luajtur. Edhe me Gjicin kam patur marrëdhënie shumë të mirë dhe korrekte, gjë që është reflektuat me këtë bashkëpunim afatgjatë me klubin e Kukësit.”

Ndërsa për trajnerin Mlladen Milinkovic, Shameti rezervon këtë koment:

“Nuk i qesh kollaj buza, por është trajner profesionisht. Shpresoj të marrë më të mirën prej nesh.”

Lajme të tjera

La Liga

Emmanuel Petit dha një intervistë për mediat spanjolle, ku mes çështjeve të ndryshme trajtoi edhe mbërritjen e pritshme të Kylian Mbappe te Reali i...

Kategoria Superiore

Kukësi ndryshoi për të katërtën herë trajnerin, kur deri më tani janë zhvilluar vetëm 24 javë.Verilindorët e nisën sezonin me Rraman Hallaçin, e vijuan...

Bundesliga

Granit Xhaka gjen golin me fanellën e Bayer Leverkusen. Në ndeshjen e kampionatit gjerman, mesfushori me origjinë shqiptare realizoi një gol maft të bukur...

Champions League

Hakan Calhanoglu ka dhënë një intervistë interesante, gjatë së cilës “harron” për disa momente modestinë. Gjithsesi, 30-vjeçari meriton çdo lëvdatë, pasi është ai truri...