Prishtina ka fituar derbin e kryeqytetit kundër Flamurtarit, në fushën e kuq e zinjëve, me rezultat 2-0. Bardhë e kaltërit, pas disfatës në javën hapëse të këtij edicioni kundër Dritës, reflektuan menjëherë duke dominuar sfidën në shumicën e kohës. Blerjet e reja që u kritikuan për paraqitje të dobët në javën e parë, kundër Flamurtarit erdhën në shprehje. Në minutën e 18-të, Mentor Mazrekaj bëri një depërtim fenomenal për të shërbyer Mërgim Pefqëlin që shënoi për 1-0. 19 minuta më vonë Prishtina fitoi penallti. Basit Khalid u ndal në zonë nga Goranovic, dhe gjyqtari më I mirë në Kosovë Genc Nuza dha 11 metërsh për Prishtinën. Mentor Mazrekaj realizoi për 2:0.
Ishte ky goli I parë për ish futbollistin e Partizanit në fanellën e Prishtinës pas më shumë se 4 vitesh. Në pjesën e dytë, lojtarët e Arsim Thaqit bënë lojë të sigurtë dhe epërsinë e dyfishtë e mbrojtën mjaft mirë. Futbollistët e Flamurtarit kryesisht provonin nga distanca për të mposhtur portierin Visar Bekaj. Në minutën e 74-të vlenë të veqohet rasti i Ramës që u inkuadrua nga banka rezervë, megjithatë rezultati nuk ndryshoi. Për Prishtinën fitorja në derbin lokal ishte e mirëseardhur, për të hequr sado pak presionin dhe për të vazhduar qetë rrugën drejt objektivave, apo titullit të kampionit. Për Flamurtarin lundrimi në Superligë po duket I vështirë, dhe 2 humbje në 2 ndeshjet e para, i’a kanë turbulluar ujrat trajnerit Agron Selmani.
