Janë luajtur sot ndeshjet e kthimit të Kupës së Shqipërisë, ku kanë arritur të kualifikohen të gjitha ekipet e mëdha, duke mos sjellë asnjë surprizë. Ndonse në kampionat mbyll renditjen me 1 pikë dhe zero gola të shënuar, në Kupën e Shqipërisë, Partizani tregohet I pakursyer ndaj modestëve të Naftëtarit. Pas fitores në Kuçove, 6-2, ekipi I Iulianos ka marrë një tjetër fitore të thellë, plot 7-0 sot në ndeshjen e kthimit, duke u kualifikuar me rezutatin e përgjithshëm 13-2.
Edhe Kukësi ia doli të përmbysë humbjen minimale në ndeshjen e parë, duke mposhtur 4-0 Egnatian. Për kampionët në fuqi shënoi dy herë Guri, dhe nga një gol mesfushorët Kale e Kërkotiç.
Teuta e Maganit i aka dalë të kualifikohet vetëm në 10 minutat e fundit, duke shënuar dy herë në portën e Tërbunit dhe zhvlerësuar humbjen në ndeshjen e parë. Fitore të pastër, 4-0 mori edhe Vllaznia ndaj Kastriotit, duke u kualifikuar për më tej.
Besëlidhja – Shënkolli 1-0 (2-0)
Bylis – Tomorri 1-2 (1-0)
Erzeni – Burreli 1-0 (1-2)
Flamurtari – Dinamo 4-1 (2-0)
Kamza – Iliria (2-0) (Ndeshja e kthimit luhet nesër)
KF Tirana – Besa 2-0 (2-1)
Korabi – Turbina 1-1 (2-3)
Kukësi – Egnatia 4-0 (0-1)
Laçi – Sopoti (12-0) (Sopoti nuk është paraqitur)
Luftëtari – Elbasani 3-0 (3-0)
Lushnja – Apolonia 1-1 (1-1)
Partizani – Naftëtari 7-0 (6-2)
Pogradeci – Shkumbini 1-1 (2-0)
Teuta – Tërbuni 2-0 (0-1)
Vllaznia – Kastrioti 4-0 (0-0)