Alvaro Morata është sulmuesi kryesor i Chelsea-t, por tregon se gëzon një marrëdhënie mjaft të mirë me trajnerin e United-it, Jose Mourinho.
Gjatë verës Manchesteri shprehu interes për sulmuesin spanjoll, por në fund zgjodhi Lukakun, duke bërë që Morata të përfundojë te londinezët.
“Me Mourinhon flas shpesh, jo vetëm këtë verë. Ai ishte trajneri im i parë në futbollin profesionist, personi i parë që besoi te unë dhe më lançoi. Kemi marrëdhënie të shkëlqyer, por për 90 minuta do të jemi kundërshtarë”, tha sulmuesi i Contes.