Ardhja e Frank Lampard te Chelsea ka dhënë menjëherë sinjale pozitive. Trajneri anglez, si ish lojtar i “Bluve të Londrës” ka ndërmend t’u jape shanse edhe lojtarëve të rinj teksa me një bisedë me Hudson-Odoi e ka siguruar se do të jetë një nga protagonistët e skuadrës që ai drejton. Një lëvizje e tillë ka bindur talentin anglez të avancojë me rinovimin e kontratës çka do të largojë interesimin e hershëm të Bayern Munich për sulmuesin. Odoi aktualisht po rikuperohet nga një dëmtim në gju dhe në tetor do të jetë gati për t’u rikthyer në fushë ndërsa rinovimi do të konkretizohet përpara rehabilitimit të talentit 19-vjeçar.