Trajneri i përkohshëm i Manchester United, Ralf Rangnick akuzohet se nuk është fajtorë për formën jo të mirë të Cristiano Ronaldos te “Djajtë e Kuq”.
Ndërsa në media raportohet se portugezi nuk ka gjetur mbështetje të plotë, Rangnick theksoi së fundmi se nuk e sheh si të nevojshme ta pyesë sulmuesin nëse ndihet i lumtur.
Lajmet se Ronaldo mund të largohet nga “Old Trafford” prej kohësh po qarkullojnë në mediat britanike, e jo vetëm.
I pyetur për gjendjen fizike të Ronaldos përpara ndeshjes në shtëpi me Tottenhamin të shtunën, Rangnick, tha: “Ai rifilloi stërvitjen dje, u stërvit gjithë ditën dhe ishte mirë. Unë mendova se do të ishte në gjendje të luante nesër.”
Ndërsa i pyetur nëse mes tij dhe portugezit kishte përplasje, në konferencën e zhvilluar në prag të ndeshjes me “Spurs”, Rangnick theksoi se nuk e di nëse Ronaldo ka probleme me të.
“Nuk e di, nuk e kam pyetur nëse është i lumtur. Për mua është e rëndësishme që ai të jetë sërish në formë. Do të shohim me cilin formacion do të luajmë nesër”,-theksoi tekniku.