Jo vetëm Sindrit Guri, por edhe Kristal Abazaj e ka nisur me këmbën e mbarë eksperiencën e tij te Anderlechti, ku u transferua në përfundim të këtij sezoni.
Ish sulmuesi i Luftëtarit luajti 45 minutat e dyta në sfidën miqësore ndaj PSV-së, që përfundoi me fitoren e belgëve me rezultatin 5-3 dhe arriti të gjejë rrugën e rrjetës.
Abazaj shënoi në minutën e 47’, para vetëm pak sekonda sapo kishte filluar pjesa e dytë dhe çoi rezultatin përkohësisht në 3-2. Ky ishte takimi i dytë që Abazaj luante për skuadrën belge, pas 45 minutave të luajtura në miqësoren e djeshme ndaj Roeselares, e cila përfundoi në barazim 1-1.
Si Abazaj, ashtu edhe Sindrit Guri kaluan këtë verë në kampionatin belg, përkatësisht te Anderlecht dhe Oostende dhe kanë filluar menjëherë të lënë gjurmë, duke luajtur mirë dhe shënuar gola.
Guri “shpërthen” me poker golash, fiton zemrat e tifozëve të Ostendes