Në konferencën për shtyp në prag të takimit kundër Islandës ishte dhe sulmuesi i Luftëtarit, Kristal Abazaj. 21-vjecari deklaroi se po kalon një formë shumë të mirë fizike dhe ndihet gati për të dhënë kontributin e tij në përballjen ndaj Islandës, ndërsa përsa i përket pozicionit ku ai preferon të luaj, Abazaj u shpreh se kjo është dicka që i takon trajnerit, pasi për të nuk përbën aspak problem.
“Ndihem në formë shumë të mirë. Përsa i përket Dyrmishaj, mungesa e tij është humbje e madhe, por kemi shumë lojtarë të aftë që mund të zëvendësojnë. Nuk ka rëndësi se ku do të luaj. E rëndësishme është të jemë në fushë dhe të japë më të mirën. Krahu ku unë luaj është i djathtë, por edhe në qëndër nuk e kam problem. Jam i bindur që do të bëjmë një lojë shumë të mirë. Islanda është ekip i fortë sic tha edhe ramadani mbështetja e tifozëve është thelbësore. Besoj se do të marrim një rezultat të mirë.”
Më tej sulmuesi u ndal të fliste dhe për kundërshtarin. Sipas Abazaj ekipin e pret një takim i vështirë, por ai beson fort se njësoj si në takim e parë ku arritën të merrnin një fitore të njëjtën gjë do të bëjnë sërish.
“Islanda është ekip i fort, madje më i fortë se ne, por sidoqoftë ne arritëm të merrnin një fitore shumë të rëndësishme në takimin e parë dhe besoj se sërish do të dimë të marrin një rezultat pozitiv.”
Kombëtarja A është një ëndërr për Abazaj dhe beson se një ditë falë punës dhe përkushtimit do të bëhet pjesë e saj. Gjithashtu 21-vjecari nuk harroi t’i bënte thirrje tifozëve të vinë në stadium dhe të mbështesin maksimalisht Kombëtaren U-21.
“Kombëtaren A do ta arrij me punë dhe sakrificë. Te jem pjesë e tyre është një ëndërr për mua që besoj se do ta realizoj me atë cka do të jap. Për tifozët i thëm që të vinë të na mbështesin është shumë e rëndësishme për ne. Me ta ne jemi akoma edhe më të fortë.”
Në fund sulmuesi foli edhe për të ardhmen e tij, teksa deklaroi se në drejtim të tij kanë ardhur shumë oferta, por që në aspketin financiar nuk kanë qënë të kënaqshme.
” Kam pasur oferta të ndryshme, por që nga ana financiare nuk kanë qënë të kënaqshme. Në Janar do të ulem dhe do të bisedoj për të folur sërish.”
