Kristal Abazaj ka zhvilluar një tjetër paraqitje mbresëlënëse me skuadrën e Anderlechtit, që prej transferimit në Belgjikë, në muajin qershor.
Sulmuesi i kombëtares shqiptare po zhvillon përgatitjen e verës me skuadrën dhe vetëm para 4 ditësh gjeti golin, në një miqësore ndaj holandezëve të PSV-së.
Sot Abazaj ishte titullar dhe luajti për 90 minuta me skuadrën e dytë të Anderlechtit, në miqësoren përballë Ajaxit të Holandës, fituar nga belgët me rezultatin 5-3.
Sulmuesi shqiptar tregoi një formë mjaft të mirë, ndërsa arriti të asistojë në dy prej golave të belgëve dhe nxori nga repertori disa numra mjaft të bukur.
Abazaj spikati në sezonin e fundit te Luftëtari dhe tërhoqi vëmendjen e shumë klubeve europiane, por zgjodhi t’u bashkohet gjigantëve belgë, për të vijuar karrierën.
