Arbër Abilaliaj është zyrtarizuar si trajner i Partizanit mesditën e së dielës nga presidenti Gazmend Demi. Vlonjati i cili e kishte nisur sezonin si drejtor sportiv, prej disa javësh drejtoi skuadrën, i deklaruar si trajner i përkohshëm. Megjithatë, rezultatet e arritura bindën presidentin e të kuqve që t’i besonte këtë detyrë dhe për një periudhë afatgjatë.
Presidenti Demi theksoi se pas shumë diskutimesh u vendos që alternativa më e mirë ishte Abilaliaj duke qenë se vlonjati që në fillimin e këtij sezoni ka nisur një projekt me të kuqtë. Nga ana tjetër, Demi u shpreh se ish-trajneri i kombëtares së Brazilit, Karlos Dunga nuk ishte kurrë një opsion për Partizanin.
“Siç e dini të gjithë, ne kemi filluar një projekt të ri me drejtor Arbër Abilaliaj që zgjodhi edhe trajnerin Zekic. Ishte zgjedhje e Abilaliaj, patëm ato problematikat e vogla, ai pati një problem familjar. Tani u bë një kohë e gjatë dhe e shkurtër që ekipin e drejton drejtori sportiv, që të shuajmë keqkuptimet.
Ne si staf dhe Arbëri si drejtori se ai i ka të gjitha përgjegjësitë, (do të jetë për një kohë të gjatë në këtë rol), pas shumë diskutimesh arritëm në përfundimin që trajneri më i mirë për Partizanin është Abilaliaj që do të mbajë të dyja funksionet.
I uroj më të mirat, suksese. Të gjithë e dinim se kush do të ishte trajneri, por për të hequr pak edhe keqkuptimet që vijnë nga mediat. Arbëri siç ishte, është nga sot trajner i Partizanit në bashkëpunim me mua dhe drejtuesit.
Lexo edhe:
- FOTO/ “E dua kombëtaren me gjithë zemër”, Broja: Qarkullojnë shumë të pavërteta
- Zyrtare/ Trajneri i Partizanit, presidenca merr vendimin përfundimtar
- Plas te Çekia, trajneri përjashton 3 futbollistë para finales me Moldavinë
- VIDEO/ Tifozët dhunojnë boksierin në ring, merret vendimi për duelin Nurja-Ramirez
Kur e menduam në emergjencë që të ishte Arbëri trajner, në mendimet e mia ishte dëshira që ai të ishte trajner për një kohë të gjatë. Arbëri ka impenjime me pjesën e drejtorit sportiv, por e ka marrë përsipër të shtojë orët e punës dhe të drejtojë Partizanin. Tani që është në të dyja rolet, mund t’i bëjë edhe më mirë.
Zekic? Ishte projekt i Abilaliajt, stafi është i njëjtë prej asaj kohe. Nuk dua të heq meritat, Zekic kishte meritat e tij. kam shumë besim për ecurinë e Arbërit. Nga investimet që bëjmë si klub, asnjëherë nuk kënaqesh maksimalisht, por fryma që ka sjell Arbëri me djem të ri besoj se do të ecë përpara. Por, futbolli ka edhe pjesën e fatit, unë si president dua të jem gjithmonë 10 pikë para. Kampionati sa ka filluar, skema ka të mirat dhe të këqijat e veta, ndoshta në këtë mënyrë edhe trajneri nuk futet shumë në presion, mendojmë se do të ecë mirë.
Lexo edhe:
- VIDEO/ Rishkruhet historia, Shqipëria në Europian!
- Ramadani, me heroin në fanellë: Arritje e madhe, kurrë nuk jam ndier kështu
- Sylvinho “qëlloi” në shenjë, Mitaj dhe Asani “asat” që nderuan trajnerin brazilian
- Foto/ Armando Broja i bashkohet festës kuqezi: Jemi në Europian!
Me Abilaliajn diskutojmë çdo ditë, dhe kështu arritëm njëherë e mirë që ta mbyllim këtë çështje se dilnin çdo ditë emra trajnerësh. Abilaliaj e ka marrë përsipër që të heqë disa orë nga impenjimet me familjën dhe të merret me Partizanin.
Stafi dhe Arbëri është marrë me disa trajnerë që janë propozuar, ne mendojmë gjithmonë që t’i shohim gjërat me qetësi dhe dolëm në këtë përfundim. Trajneri le ta vazhdojë projektin që ka nisur vetë. Edhe në kohën kur nuk ishte trajner ka qenë gjithmonë aty. Përfundimi është që Arbëri është trajneri i Partizanit dhe i uroj fat”.
Dunga mes kandidaturave- “Këto janë kandidatura të gazetave, edhe unë u habita kur e dëgjova. Për herë të parë e dëgjova sot”, përfundoi Demi.
