Rafael Nadal tërhiqet nga turneu i Acapulcos ende pa zbritur në fushë. Ky turne 500 pikësh duhet të ishte skena e rikthimit të spanjollit pas problemeve që shfaqi në çerekfinale të “Australian Open”, por për fat të keq, gjatë seancës së fundit stërvitore numri 2 në botë ka ndier dhimbje në këmbën e djathtë dhe ka vendosur të mos ndeshet me Feliziano Lopezin në raundin e parë të Acapulcos,
“Ëndërroja të luaja, por ndjeva dhimbje në muskujt e këmbës, pikërisht në të njëjtin vend ku u bllokova në Melbourne. Mjekët më sugjeruan që të mos luaja, sepse dëmtimi mund të rëndohej më shumë. Shpresoj që të mos jetë serioze, gjithsesi për ta kuptuar më mirë duhet të bëj disa analiza.”
Nadal humbet kështu edhe 300 pikët e finales së vitit të kaluar, ku u mposht nga Sam Querry, ndërsa diferenca me Federer tani shkon 600 pikë. Nuk duket e mundshme që spanjolli të zbresë në fushë në Indian Wells e ndoshta as në Miami.
