Bundesliga

Adeyemi nuk mjafton, Dortmundi ofron 33 milionë € për bomberin afrikan

Karim Adeyemi nuk mjafton për të zëvendësuar Erling Haaland në sulmin e Borussia Dortmund. Klubi gjerman ka piketuar një tjetër sulmues pasi siguroi shërbimet e talentit gjerman nga Salzburgu.

Objektivi i verdhezinjve quhet Sebastian Haller. Sulmuesi nga Bregu i Fildishtë ka shkëlqyer me Ajaksin, ekip me të cilin realizoi 34 gola në 42 ndeshje, duke fituar Eredivisie për herë të dytë radhazi.

27-vjeçari ka luajtur me të gjithë kombëtaret e moshave të Francës, ndërkohë që në nëntorin e vitit 2020 vendosi të garojë për kombëtaren e Bregut të Fildishtë (12 ndeshje dhe 4 gola).

Bild raporton se drejtuesit e Dortmundit kanë ofruar 33 milionë euro për kartonin e Haller, por Ajaksi kërkon 38, ndërkohë që shpenzoi 22.5 milionë euro për ta blerë nga West Ham në janarin e vitit 2021.

Të Fundit

EVENTET NË SUPERSPORT

To Top
Evolve Web Agency Evolve Web Agency