Inigo Martinez do të jetë përforcimi i parë i Barcelonës për sezonin e ardhshëm. Katalanasit e ndjekin prej kohësh qendërmbrojtësin, i cili ndodhet në vitin e fundit të kontratës me Athletic Bilbao.
31-vjeçari ka vendosur të mos rinovojë, ndërkohë që në Spanjë raportojnë se ai ka firmosur një parakontratë me Barcelonën.
Martinez do të jetë pjesë e skuadrës së Xavit deri në vitin 2025, duke hedhur në këtë mënyrë hapin e madh në karrierë.
Lojtari bask debutoi me kombëtaren e Spanjës dhjetë vite më parë. Deri tani numëron 20 ndeshje dhe një gol me iberikët.
Lexo edhe:
- Pasi dha katër versione të ndryshme, Dani Alves do të dëshmojë sërish
- Grushte mes dy sulmuesve, plas keq te Bayern Munchen
- Do të luante sot kundër Fiorentinës, UEFA pezullon për doping polakun që mposhti Shqipërinë
- Trajnerit të Feyenoordit i vlon gjaku për hakmarrje ndaj Romës: E mbaj mend Tiranën…
Përveç qendrës së mbrojtjes, Martinez mund të luajë edhe si mbrojtës i majtë në raste nevoje. Ai është një produkt i Real Sociedad.
Në janarin e vitit 2018 u transferua tek “armiqtë” e Bilbaos për 32 milionë euro, ndërkohë që prej sezonit të ardhshëm do të luajë në “Camp Nou”.