Keylor Navas përfundon në merkato. Portieri i Paris Saint Germanin sapo ka rinovuar kontratën deri në 2024-ën me francezët, por afrimi i mundshëm në ekip i Gianluigi Donnarumma, i cili do të largohet nga Milani, i ndryshon shumë gjërat. Sipas mediave franceze, Navas e ka vuajtur shumë qëndrimin në stol te Real Madrid, kur te madrilenët u transferua Courtois, i cili i mori vendin e titullarit dhe një situate të tillë 34-vjeçari nuk dëshiron ta përjetojë sërish. Në të tilla kushte lojtari nga Kosta Rika ka nisur të kërkojë një sistemim të ri dhe klubet që kanë shfaqur interes për të nuk mungojnë me Juventus, Milan e Manchester United, që janë vënë në ndjekje të tij. Për ta lënë të lirë futbollistin parizienët kërkojnë 12 milionë euro.
