Egnatia ka siguruar përforcimin e dytë në këtë seksion të merkatos. Klubi nga Rrogozhina, që ka zgjedhur t’i besojë stolin Edlir Tetovës, përforcoi sulmin dy ditë më parë me Ilir Camajn.
Sot ka ardhur edhe firma e dytë. Burime të Supersport bëjnë të ditur se Emiliano Musta do të jetë lojtar i Egnatias sezonin e ardhshëm. Anësori i majtë nga Elbasani ka firmosur zyrtarisht me klubin e Superiores.
30-vjeçari ka një eksperiencë të madhe në futbollin shqiptar, teksa ka luajtur më parë me skuadra si Kukësi, Partizani, Laçi, Flamurtari, Teuta, Elbasani dhe Shkumbini.
Klubi i Egnatias ka zyrtarizuar afrimin e Emiliano Mustës nëpërmjet një postimi në faqen zyrtare, me lojtarin që ka firmosur kontratën me presidentin Demrozi pasi kreu kontrollet mjekësore.