Në konferencën për shtyp nga Tiraspoli bashkë me trajnerin Franco Lerda ishte i pranishëm në konferencën për shtyp edhe afrimi më i ri i Partizanit, mbrojtësi rumun Deian Boldor i cili pritet të bëjë debutimin e tij me kampionët e Shqipërisë në sfidën e kthimit ndaj Sheriffit të Tiraspolit. Ashtu si Lerda edhe Boldor shfaqi doza optimizmi duke theksuar se te Partizani të gjithë kanë besim te forcat e tyre dhe në Moldavi do të tentojnë kualifikimin.
“Kemi ardhur për të luajtur shancet tona, pavarësisht rezultatit të takimit të parë. Jemi mjaft optimistë, pasi janë edhe 90 minuta të tjera për tu luajtur dhe do të japim maksimumin për të synuar kualifikimin”.