Aventura e Matteo Politanos te Napoli mund të përfundojë pas vetëm dy sezonesh. Sulmuesi 28-vjeçar kërkohet me ngulm nga Gattuso te Valencia dhe palët po punojnë për të arritur marrëveshjen e transferimit.
Së fundi ka qenë agjenti i Politanos, ai që ka folur hapur për mundësitë e transferimit, duke pranuar se sulmuesi dëshiron të largohet nga Napoli, për të provuar një tjetër eksperiencë.
“Matteo dëshiron të ndryshojë ajër, për të regjistruar një tjetër eksperiencë. Gattuso është adhurues i tij dhe Valencia një pjacë ku do të shkonte vullnetarisht. Megjithatë flasim për një lojtar me cilësi, që ka adhurues të shumtë edhe në Itali”, u shpreh agjenti i Politanos.
Sulmuesi 28-vjeçar u transferua te Napoli në verën e 2020-ës, fillimisht në huazim nga Interi e më pas një vit më parë napolitanët ushtruan të drejtën e blerjes për rreth 20 milionë euro.