Riaftësim në kohë rekord për Sergio Aguero. Dy javë pas aksidentit të frikshëm rrugor në kryeqytetin e Holandës, Amsterdam, ku pësoi një frakturë në brinjë, sulmuesi argjentinas i është rikthyer stërvitjes bashkë me grupin nën urdhrat e Pep Guardiolës. 29-vjecari është shfaqur në formë të mirë, i gatshëm për të zbritur në fushë që në ndeshjen e radhës.
“Nuk e di nëse trajneri do të më aktivizojë ndaj Stoke City-t, por unë po stërvitem normalisht. Aksidenti? Kisha dy ditë pushim dhe preferova të udhëtoja drejt Holandës, sepse njoh menaxherin e këngëtarit Maluma. Gjithcka ndodhi rrugës për në aeroport. Dikush mund të mendojë: “përse duhej të shkoja?”. Është e vështirë ta imagjinosh se mund të të ndodhë dicka e tillë.”
Vendimi për një aktivizim të mundshëm të Agueros këtë të shtunë apo të martën e ardhshme në sfidën e Championsit, i përket Guardiolës. Te Napoli nuk janë aspak të kënaqur me faktin që Aguero është kthyer në stërvitje.
