Julian Ahmataj vlerëson barazimin e marrë ndaj Luftëtarit, ndërsa premton se Kamza do të synojë pikë edhe në takimet e mbetura, derisa të sigurojë mbijetesën matematikisht. Ai evidentoi mungesën e Plakut, si vendimtare në këtë takim, pasi goditi psikologjikisht skuadrën.
Humbët një shans për të marrë 3 pikë të arta…
Për fat të mirë kjo nuk ishte java e fundit dhe pavarësisht mundësisë së humbur, do të synojmë pikë në takimet e mbetura.
Mos ndoshta ishit më të kujdesshëm se duhet?
Një skuadër, për të synuar suksesin, duhet të jetë e balancuar dhe jo të kalojë në aventurë. Edhe sot u munduam të siguroheshim mbrapa dhe më pas të kërkonim golin, por nuk ia dolëm të shënojmë.
Çfarë ndikoi më shumë në këtë barazim?
Mendoj se mungesa e Plakut, që është kapiteni dhe golshënuesi ynë kryesor, na penalizoi mjaft. Jo vetëm për të shtyrë topin në rrjetë, por edhe për t’i dhënë moral skuadrës.