Finalja e Kupës së Greqisë do të zhvillohet në Poloni, konkretisht në stadiumin e Zaglebie Lubin. Sipas raportimeve të medieve polake finalja mes PAOK dhe AEK do të zhvillohet në Poloni.
Kjo ndeshje raportohet se do të luhet më 24 maj, datën e kërkuar nga Federata Greke e Futbollit.
Lexo edhe:
- “Kush dreqin je ti?”, si ia prishi “magjinë” tifozit napolitan Rrahmani
- VIDEO/ Kontroll i topit për 196 sekonda dhe 63 pasime, goli i Dimarcos për “Guinness”
- Xhaka gjithnjë e më larg Arsenalit, mesfushori tundohet për një rikthim në Gjermani
- Rikthehet dueli Messi-Ronaldo në një tjetër kontinent, në Francë e bëjnë fakt të kryer
Komiteti i Emergjencës i Federatës Greke të Futbollit, gjatë mbledhjes së kësaj të marte vendosi të autorizojë presidentin Panagiotis Baltakos për t’u konsultuar me dy finalistët e Kupës së Greqisë për përcaktimin e vendit për ndeshjen.
Përzgjedhja përfundimtare do të ratifikohet në mbledhjen e Komitetit Ekzekutiv të premten më 12 maj.
Në fillim Federata Greke i bëri kërkesë Federatës Shqiptare të Futbollit për ta zhvilluar finalen në “Air Albania”, megjithatë stadiumi kryesor në vendin tonë ishte i disponueshëm për të pritur këtë takim në datë 19 maj dhe jo më 24 siç kërkohej nga vendi fqinj.
