Tirana është kthyer në kryeqendrën e futbollit këto ditë. Nesër do të luhet në “Air Albania” finalja e Conference League mes Romës dhe Feyenoordit, sfidë që fillon në orën 21:00 (Supersport 2).
Gazetari i Supersport, Blendi Resnja zbuloi për “Digitalb Arena” se çfarë po flitej nga lojtarët e Romës në momentin që zbritën në fushë për të shijuar nga afër stadiumin kombëtares dhe tapetin e fushës.
“Dëgjoja lojtarë të Romës që e krahasonin stadiumin tonë me ‘Allianz Stadium’ të Juventusit, apo me ndonjë stadium tjetër. Ishin të surprizuar për mirë për stadiumin kombëtar”.