Pesë javë pa fitore në Eredivisie, Ajax harron të fitojë dhe ndan pikët me Twente
Ajax harron të fitojë, me “harkëtarët” që nuk shkuan më shumë se barazimi 0-0 ndaj Twente.
Në “Johan Cruijff” Arena, në sfidën e vlefshme për javën e 16-të, vendasit luajtën me një lojtarë më pak nga minuta e 35-të, pasi Rensch u ndëshkua me kartonin e kuq
Twente provoi në maksimum të shfrytëzonte superioritetin numerik, por nuk ia doli, ndërsa Ajax krijoi shumë pak për të marrë maksimumin.
Portieri i vendasve, Rulli, i cili debutoi në Eredivisie ishte protagonist me pritjet e tij, ndërkohë që Ajax regjistron kështu ndeshjen e pestë radhazi pa fitore në kampionat duke humbur terren me vendin e parë.
“Harkëtarët” qëndrojnë momentalisht në vendin e tretë, tani me 32 pikë, ndërsa në krahun tjetër, Twente renditet në vendin e pestë me një pikë më pak.
