Ajaxi i Amsterdamit e nis me një gjysmë hapi fals kampionatin holandez, pasi barazoi 2-2 në transfertë me Vitessen. Kampionët në fuqi të Eredivisie luajtën minutat e fundit me një lojtar më shumë, pas ndëshkimit të Bazoer (85’) me kartonin e dytë të verdhë, por nuk e arritën ta shfrytëzonin epërsinë numerike për të marrë fitoren e parë sezonale.
Skuadra e Ten Hag, tashmë pa emra të tillë si de Jong dhe de Ligt, pësoi gol që në minutën e 13-të (shënoi Bero), por pa u mbushur gjysmë ore lojë van de Beek, një tjetër emër u lakuar në merkato barazoi shifrat.
10 minuta pas nisjes së pjesës së dytë Bazoer i dha edhe një herë epërsinë Vittesses, por Tadic, i asistuar nga van de Beek, ktheu sërish baraspeshën. Rezultati nuk ndryshoi më, me gjithë presionin e madh të ushtruar nga “harkëtarët”.
Nuk bën më mirë se Ajaxi skuadra rivale për titull, PSV Eindhoven, që gjithashtu mori vetëm 1 pikë në këtë start të kampionatit në transfertë me TWenten, duke barazuar 1-1. Vendasit shënuan të parët me Nakamurën në pjesën e parë, ndërsa në fraksionin e dytë barazoi Dumfries.
