Melos Bajrami është një nga lojtarët që u largua nga Korça pasi Skënderbeu u rrëzua në Kategorinë e Parë.
20-vjeçari u transferua te juglindorët në janarin e vitit të kaluar, teksa prej sezonit të ardhshëm do e shohim në kampionatin e Maqedonisë së Veriut.
Qendërmbrojtësi ka arritur akordin për t’u bërë pjesë e Shkupit, ekipit shqiptar që fitoi titullin kampion në Maqedoninë e Veriut për herë të katërt.
“Shvercerat” do të luajnë në duelet kualifikuese në Champions League. Bajrami është pjesë e Kosovës U21.
Lojtari shtatlartë zhvilloi 41 ndeshje me skuadrën korçare, duke realizuar një gol në sezonin që përfundoi.