Connect with us

Hi, what are you looking for?

Serie A

Akorduan penallti qesharake në Milan-Roma, pezullohen Giacomelli e Nasca

Arbitrimi në Itali kapi nivelet më të ulëta mbrëmjen e djeshme në sfidën mes Milanit dhe Romës, pasi Giacomelli në fushë dhe Nasca në VAR akorduan dy penallti qesharake, nga një për çdo skuadër, duke shkaktuar reagime të ashpra.

Gjithçka nisi në minutën e 69’ kur arbitri Giacomelli akordoi një penallti për Romën, për një faull inekzistent të Bennacer ndaj Pedros, por edhe pse futbollistët e Milanit këmbëngulën gjatë që arbitri të rishikojë aksionin në VAR, kjo gjë nuk ndodhi.

Këtu nisin dyshimet edhe për arbitrin Nasca në sallën VAR, i cili nuk i kërkoi Giacomellit të shkojë e të shohë episodin. Më pas pati një tjetër moment, kur Ibrahimovic u ndëshkua me karton të verdhë në mënyrë të padrejtë, pas një dyluftimi ajror ku kishte edhe një prekje me dorë nga mbrojtësi Mancini.

Kulmi arriti në minutën e 78’, kur pas një aksioni të Calhanoglu në zonën e Romës, Mancini provon ta ndalë dhe Giacomelli akordon penallti për Milanin, por pamjet konfirmonin se kontakti ishte thuajse inekzistent dhe penalltia më tepër se bujare.

Më pas deri në fund arbitri Giacomelli humbi toruan dhe vërshëlleu një sërë faullet qesharakë në favor të të dy skuadrave, megjithatë seksioni i arbitrave në Itali ka marrë masa ndaj tij dhe arbitrit të VAR-it, Nasca.

Kështu është vendosur që si Giacomelli ashtu edhe Nasca të mos arbitrojnë më për një muaj në kampionatin italian, si masë ndëshkimore për gabimet e rënda në një sfidë që ishte më e rëndësishmja e javës dhe njëkohësisht imazh për Serinë A.

Kujtojmë që Giacomelli është pezulluar për dy javë edhe sezonin e kaluar, pasi gaboi rëndë në një përballje mes Napolit e Atalantës dhe për më tepër, ashtu si mbrëmë, refuzoi t’u referohet pamjeve të VAR-it për të korrigjuar vendimin e tij.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...